ଆଉ କିଛି ସମୟ ପରେ ବଜେଟ୍ ଆସିବାକୁ ଯାଉଥିବା ବେଳେ ତୈଳ ବିପଣନ କମ୍ପାନୀଗୁଡ଼ିକ (OMCs) ଆଜି ଗ୍ୟାସ ବାଣିଜ୍ୟିକ ସିଲିଣ୍ଡର ମୂଲ୍ୟ ବୃଦ୍ଧି ଘୋଷଣା କରିଛନ୍ତି। ୧୯ କିଲୋଗ୍ରାମର ବାଣିଜ୍ୟିକ ଏଲପିଜି ସିଲିଣ୍ଡରର ମୂଲ୍ୟ ୪୯ ଟଙ୍କା ବୃଦ୍ଧି କରାଯାଇଛି। ଯାହା ହୋଟେଲ, ରେଷ୍ଟୁରାଣ୍ଟ ଏବଂ ଅନ୍ୟାନ୍ୟ ବାଣିଜ୍ୟିକ ପ୍ରତିଷ୍ଠାନ ଉପରେ ପ୍ରଭାବ ପକାଇଛି।ତେବେ ଘରୋଇ ଏଲପିଜି ସିଲିଣ୍ଡରର ମୂଲ୍ୟରେ କୌଣସି ପରିବର୍ତ୍ତନ ହୋଇନାହିଁ। ଏପ୍ରିଲ ୨୦୨୫ରେ ୫୦ ଟଙ୍କା ବୃଦ୍ଧି ପରେ, ଏହା ପ୍ରତି ୧୪.୨ କିଲୋଗ୍ରାମ ସିଲିଣ୍ଡର ପାଇଁ ୮୫୩ ଟଙ୍କାରେ ଅପରିବର୍ତ୍ତିତ ରହିଛି।
ଗତ ମାସରେ, ଦିଲ୍ଲୀରେ ୧୯ କିଲୋଗ୍ରାମର ବାଣିଜ୍ୟିକ ଏଲପିଜି ସିଲିଣ୍ଡରର ମୂଲ୍ୟ ୧୧୧ ଟଙ୍କା ବୃଦ୍ଧି ପାଇ ୧,୬୯୧.୫୦ ଟଙ୍କା ହୋଇଥିଲା। ମାସିକ ଦୁଇ ପର୍ଯ୍ୟାୟ ହ୍ରାସ ପରେ ଏହି ମୂଲ୍ୟ ବୃଦ୍ଧି ପାଇଛି। ଶେଷ ଥର ପାଇଁ ଡିସେମ୍ବର ୧ରେ ପ୍ରତି ୧୯ କିଲୋଗ୍ରାମ ସିଲିଣ୍ଡରର ମୂଲ୍ୟ ୧୫.୫୦ ଟଙ୍କା ହ୍ରାସ କରାଯାଇଥିଲା। ଏହା ପୂର୍ବରୁ ପ୍ରତି ସିଲିଣ୍ଡରର ମୂଲ୍ୟ ୫ ଟଙ୍କା ହ୍ରାସ କରାଯାଇଥିଲା।
